___ الدم طرطش ع السجاد ___
كلمة بقولهالك يا وطن
إيه ذنبنا في الخلافات
احنا اللي بندفع التمن
والغدر عمال فينا يصطاد
من سنين وزادت المحن
ومالناش غير رب العباد
والسعر سبق وقت الزمن
والدم طرطش ع السجاد
احنا مالناش دعوة بالكراسي
اللي بندفع تمنها مرات
مفيناش حد فينا عاصي
ومابنحصدش إلا الأموات
مالناش ف الخلاف السياسي
ولا في المناصب صراعات
يارب إبعدنا عن المعاصي
وكفايانا بقي ألم و أهات
_______________________________
.......... الشاعر حسن الشوان ............
ليست هناك تعليقات:
إرسال تعليق