يا بنت الايه
مفيش غيرك محيرني
مفيش في الدنيا
غير حبك مسهرني
على إيدك عرفت الليل وتنهيده
وصوت عصفور على الشجرة وتغريده
ويوم ما بحس برضاك
وأعيش اللحظة وياك
بكون مجنون مفيش في الكون
ولا واحد هيقدرني
واغازل في السما براحتي
وأقول للصبح على مهلك لتهجرني
يا بنت الايه لسانك حتة من سكر
تقولي حبيبى تطربني اقول اكتر
وأقعد وسط أصحابي واتمنظر
حبيبة قلبي وحشاني ما تحرمني
أشوف النور على ايديها
وضحكة جميلة في عينيها
وصوت كروان يناديها
ولوحة كبيرة ترسمني
وأنا رافع إيديا لفوق
ومش عايز يا خلق افوق
وأدعي ربنا الخالق بقلب صدوق
تجيني الليل وتحضني
يا بنت الايه
جمالك والله لغبطني
في حبل الشوق
اديله سنين مشعبطني
في صف طويل
مع العشاق مرمطني
يا أجمل قصة في الدنيا
وكل الناس بتحسدني
الشاعر/ناصر عبد المقصود
ليست هناك تعليقات:
إرسال تعليق