سألوني يوم عن مصر
انا قلت عاشقاها
بحبها جدا
ولاكونش لولاها
عنيه لون زرعها
وشعري لون شمسها
ووشي ضي القمر
وآدي صورتي وياها
في صلاتي بادعيلها
وفى همي باشكيلها
وساعات ازهق واطق
واقول راح انساها
واشيلها من دمي
وارجع واقول دي امي
وبعد ما اروق واهدي
اقول يامحلاها
باحب لون وردها
واعشق عبير نيلها
والقعده علي ارضها
ونخيلها ونجيلها
وان غبت يوم عنها
تاني يوم انا اجيلها
وابوس ايديها ارتوي
وفى قلبي حطاها
سالوني يوم عن مصر
انا قلت عاشقاها
اشعار ا/فاطمه خاطر
ليست هناك تعليقات:
إرسال تعليق