##بيقولوا انهم مننا##
ناس طبعهم غريب
ميحبوش حد لينا قريب
ودايما يتهمونا بالعيوب
يشوفوا عدونا ويحبوه
واللى يقاطعنا يودوه
ماشين معانا بالمقلوب
بيقولوا انهم مننا
واول ناس بتدوس على حقنا
واول ناس بتعلن الحروب
مش بيزعلوا على اللى من دمهم
امال مين بعد كده هيهمهم
ده العار ليهم منسوب
ليه عقولهم اصبحت عقيمه
ووجودهم مبقاش ليه قيمه
خلاص اتشوهت جواهم القلوب
بعد ما زاد علينا جفاهم
بقينا نحاول نتناساهم
عشان مفيش هروب من المكتوب
ازاى بيدوسوا على كرامتنا
ويتسببوا لينا فى كسرتنا
وانا فى حسابتهم شخص مشطوب
فين هى صله القرابه
كلها قيم ومبادئ كدابه
والوصال بنا مبقاش محبوب
اللى مننا مخلص للغريب
وبيمارس معانا اسلوب العذيب
خلاص وجودنا مبقاش مرغوب
كل شئ حوالينا اتبدل
وحجات كتيره محتاجه تتعدل
ياريت العاصى يرجع يتوب
#بقلم:شيماء السيد#
ليست هناك تعليقات:
إرسال تعليق