طبع المصرى
للشاعر مدحت عطية
البصمة تقول
ده مين
من صابعه
وإبن بلادى
بصمته فى طابعه
ملامحه فى شكل
أرضه
فى صفا نبعه
خصاله طالعة
من لبن .. رضعه
فيه مصرى
ملكه فى الدنيا
الهدوم
تديله القليل
يقولك يدوم
لو جاع
يصوم
ولو قام الأدان
جواه .. يقوم
المصرى بطبيعته
متدين
قلبه فى إيده
وحنين
تشوفه تقول
عليه .. هين
جرب ودوس
على طرفه
تلقى نهارك
طين
يغضب
يطلع قلب
أبيض
فى عبه .. دفسه
تقوله هانك
يقولك حرام
مرة ومن نِفْسه
كتير يجيى
على نَفْسه
لجل غيره
يطلع .. نَفَسه
وقت الحوجه
تلقى الولد
يسبق .. سنه
والبنت خطوة
بخطوة
ما تفرق .. عنه
ويغير العالم
ويخلف .. ظنه
يجرى ناحيه
الرصاص
ما يجريش .. منه
بيحس الكدب
وله عنده علامه
ويشوف الصدق
ولو ضهره
غيامة
الدنيا عنده
رفعة .. هامة
ولقمة
متعاصة .. كرامة
يروح حلمه
يبكى فى سره
يصرخ من غير
صوت
ويقوم من الهزيمة
يعرق
ويفتح للنصر
بيوت
مدحت عطية
ليست هناك تعليقات:
إرسال تعليق