انا اسفه جدا معلهش
مش هقبل اكون مركونه ع الرف
وقت اما احتاجك ملاقش
والاقيك وقت ما كيفك بيهف
ملعون الحب ال مفهش
كرامه ولو واحد من 1000
ملقتش معاك حبة تقدير
ولا حتي بتسأل ولا تهتم
مع اني استحملت كتير
واقول بكره يحس يهتم
ويعدي الوقت مفيش تغيير
فبزياده ياعم
خناقات ع الفاضي وحرقة دم
يوميا ع طول نتخاصم
ع شئ بالعقل ملهش لزوم
كأننا اعداء وبنتقاسم
مين فايز فينا ومين مهزوم
حكمك بيكون هو الحاسم
وكلامي اشبه بالمعدوم
وتجيب العيب عندي وراضيه
وكأنك م الاخطاء معصوم
دايما بتغاضي عن الافعال
وكتمت ف قلبي كتير وسكت
علشان بينا عشره وعيال
لكن صدقني بجد تعبت
فهعاملك زي الشرع ما قال
وربنا يديني ع قد ما شوفت
ليست هناك تعليقات:
إرسال تعليق