الله اكبر
الله اكبر الله اكبر
في مسجد الروضه بنكبر
اطفال وشباب وشيوخ
لمسجد الله بنعمر
وساجدين لله بنكبر
ودا ارهابي داخل المسجد
وفي ايده بدل السبحه
قنابل وسلاح متعمر
فتح ناره على الساجدين
والغريبه بيقتلهم ويكبر
وباعلى صوت بيقول
الله اكبر الله اكبر
كانه بيحرر القدس واكتر
يا غدار قلبك راح فين
مسمعتش صوت الاطفال
وهي بتئن انين
ولاشفت الدموع في عنيهم
نازله بتكوي جفون العين
ولا رق قلبك للشيوخ المسنين
وهما بيستعطفوك ترحمهم
وترحم شيخوختهم يالعين
ماسمعتش رجاهم بقلب
مجروح وحزين
الرحمه راحت من قلبك فين
تقتل ناس لله ساجدين
فين الرحمه فين الدين
افهموا بقي يا ارهابيين
مص دي مقبرة الغزاه
حتى اسالوا صلاح الدين
واسالوا كمان حطين
هنفضل فيها سالمين
وعلي الدنيا متقدمين
وعلي الارهاب منتصرين
ولا هنكون ابدا مهزومين
فهيم عبد المقصود
ليست هناك تعليقات:
إرسال تعليق