'' ''''''جراح اب.......
شوفتي يامه دم ابني
راح يصلي وموتوووه
كان سعيد فرحان بيضحك
جاتله طلقه ونيموه
جنب جده بدمه سايح
جايه ناس بيكفنوووه
قالهم راح فين حبيبي
طار دماغه وجننوه
شوفت ابويا بيبكي جنبه
يقولهم روحوا وهاتوه
قولت مالك شد حيلك
ليه رصاصهم صوبوه
جوا قلب الغالي ابني
قصدهم ليه يقتلوه
خدت ابني بحرقه وابكي
وجنبي جده يسندوه
وناس كتير بتقولي هاته
فكرهم كله يشيلوه
ودم ابني عليا سايل
بل توبي وغرقوه
وصفوا دم ضنايا ياما
ومن جروحهم دوقوه
جاتله منهم ميت رصاصه
كان في بالهم يحرقوه
ليه ايامي ماعدش رحمه
يروح ضنايا ويفزعوه
وتقولي يامه كأنه عارف
حياخدوا عمره ويقتلوه
جوا جسده رصاص وساكن
كان في باله يروح لاخوه
أو يشوف أمه الحبيبه
أو خواته يودعوه
روحتي مني يااغلا حاجه
قالوا عايزين ندفنوه
..........................
كلماتي جمال زياد
ليست هناك تعليقات:
إرسال تعليق