خلوا العزا مفتوح
بس بلاها صوات
لازمتها ايه نبكي
هنزعج الأموات
قالولنا و احنا صغار
عشان نكون شطار
نواسي أهل الدار ...
لو قلبهم مجروح
و خلوا الصوان منصوب ..
لاسود متقلعهوش ..
الحزن مش بيدوب ...
و توب الفرح منتوش
ولو شوفتوا الدموع بتزيد ...
و النار كمان بتقيد ...
عادي ماتتخضوش ..
ما زماننا بقى معيوب ..
ماشي و بالمقلوب ..
يا رب سلم حوش ..
تعبنا م الأعذار ..
قالولنا و احنا صغار
عشان نكون شطار
نواسي أهل الدار
لو قلبهم مجروح
سيد صادق
ليست هناك تعليقات:
إرسال تعليق