الكمين
وقفوا الليل فى اقرب كمين
فتشوه
ف جيوبه اسرار المحبة
ودى تهمه صعبة
والحكم صادر عندكم
من قبل ما تحاكموه
انه يتستر دى كارثه
يجمع العشاق دى فوضه
انه ساب الحلم يسرح
بين جفون منتظره بكره
انه يسمح للشباب
تبنى حيطه اساسها فكرة
انه يدى البدر فرصه
يبدر النور بين ضلوعه
انه يتعارك مع الفجر
نفسه يتأنى ف طلوعه
لما احلام الصبايا
تبقى ساكنه ف الحروف
والقصايد ف الغرام
عنده منظومه ف صفوف
والقلوب
توهب نفسها
تتركن فوق الرفوف
يبقى لازم تعدموه
يبقى لازم تعدموه
ليست هناك تعليقات:
إرسال تعليق