انا حبة هنا في أرضك
بقلم الشاعر / طارق العيسوى
انا نسمه هنا في جوك
انا نقطة هنا في نهرك
.....
انا مين ؟متسألنيش
انا العاشق انا الدرويش
أنا ابنك عاشق طهرك
عاشق اسمك وسلسالك
دي عين عفريت في عين
كل حسادك
حابب وسطية الازهر كده في دينك
حابب عشاق بتتمختر هنا في نيلك
وبرج حمام
في ريف هادي يغنيلك
علي الارغول
وطبلة وعود تقاسيمك
لسي طه.. ومكاوي
سمعنا احلي مواويلك
ومن ثومة ..ونوجة ..ووردة لما غنولك
ياست الكل ياعظيمة ف كل تراكيبك
كنيسة وجامع بيهدو لك ترانيمك
ياسابقة الدنيا بسماحة مريدينك
ياطاهرة.. ياست .. وآل البيت حارسينك
ورب العرش ابات ادعيه
يحقن دم شراينك
........
طارق العيسوي
ليست هناك تعليقات:
إرسال تعليق